പത്തനംതിട്ട : ജില്ലാതല ഓണം ഖാദി മേളയുടെയും അബാന് ജംഗ്ഷനിലെ നവീകരിച്ച ഖാദി ഷോറൂമിന്റെയും ഉദ്ഘാടനം ജിം പാലസില് പത്തനംതിട്ട നഗരസഭ ചെയര്പേഴ്സണ് സിന്ധു അനില് നിര്വഹിച്ചു. ഖാദി പ്രചാരണത്തിനും വിപണനത്തിനും ആവശ്യമായ എല്ലാ പിന്തുണയും നല്കുമെന്ന് ചെയര്പേഴ്സണ് പറഞ്ഞു. നഗരസഭ കൗണ്സിലര് മിസ്ന ആരിഫ് അധ്യക്ഷത വഹിച്ചു. നഗരസഭ കൗണ്സിലര് എസ്.ഫാത്തിമ ആദ്യവില്പ്പന നിര്വഹിച്ചു.
ജില്ല ഖാദി ഗ്രാമവ്യവസായ പ്രോജക്ട് ഓഫീസര് വി.ഹരികുമാര്, വില്ലേജ് ഇന്ഡസ്ട്രീസ് ഓഫീസര് ഷിബു ജോണ് എന്നിവര് പങ്കെടുത്തു. ആഴ്ചതോറുമുള്ള നറുക്കെടുപ്പും ചടങ്ങില് നിര്വഹിച്ചു. ബാബുകുട്ടി ജോര്ജ്ജ് (കൂപ്പണ് നമ്പര് 76635) 3,000 രൂപയുടെ ഗിഫ്റ്റ് വൗച്ചറിന് അര്ഹനായി. ഓണം മേളയോടനുബന്ധിച്ച് ഓഗസ്റ്റ് 25 വരെ ഞായറാഴ്ച്ച ഉള്പ്പടെ എല്ലാ അവധി ദിവസങ്ങളിലും ഖാദി ഷോറൂമുകള് തുറന്നു പ്രവര്ത്തിക്കുമെന്നും അധികൃതര് അറിയിച്ചു.
