പത്തനംതിട്ട : ജില്ലാ റോളർസ്‌കേറ്റിങ്‌ ചാമ്പ്യൻഷിപ്പിൽ ഓവറോൾ കിരീടം വാഴമുട്ടം നാഷണൽ സ്പോർട്സ് വില്ലേജിന്. ലോക ചാമ്പ്യൻ അഭിജിത്ത് അമൽരാജ് അടക്കം 49 കായിക താരങ്ങളാണ് സംസ്ഥാന തലത്തിൽ മത്സരിക്കാൻ അർഹരായത്. ഫ്രീസ്‌കേറ്റിങ്‌, സോളോ ഡാൻസ്, ഷോ ഗ്രൂപ്പ്, ക്വാർടെറ്റ്, പെയർ സ്കേറ്റിങ്, പ്രിസിഷൻ എന്നീ ഇനങ്ങളിൽ കേഡറ്റ്, സബ് ജൂനിയർ, ജൂനിയർ, സീനിയർ വിഭാഗത്തിലാണ് സ്കേറ്റിങ് താരങ്ങൾ സംസ്ഥാന മത്സരത്തിലേക്ക് തിരഞ്ഞെടുക്കപ്പെട്ടത്. നവംബർ 12, 13 തീയതികളിൽ ആലപ്പുഴ വളവനാട് സ്കേറ്റിങ് റിങ്കിലാണ് സംസ്ഥാന മത്സരം.
