ബെംഗളുരു: മുഖ്യമന്ത്രി സ്ഥാനത്തെ ചൊല്ലിയുള്ള തര്ക്കത്തില് അതൃപ്തി പരസ്യമാക്കി വൈകിട്ട് രംഗത്തെത്തിയ കര്ണാടക പി സി സി അധ്യക്ഷന് ഡി കെ ശിവകുമാര് കൂടുതല് കടുത്ത നിലപാടിലേക്കെന്ന് സൂചന. മുഖ്യമന്ത്രി സ്ഥാനത്തെക്കുറിച്ചുള്ള തര്ക്കത്തില് ചര്ച്ചകള്ക്കായി വൈകിട്ട് ദില്ലിയിലേക്ക് പോകുമെന്ന് പറഞ്ഞ ഡി കെ, മണിക്കൂറുകള്ക്കുള്ളില് തീരുമാനം മാറ്റി. ഇന്ന് എന്തായാലും ദില്ലിക്കില്ലെന്ന് അദ്ദേഹം വ്യക്തമാക്കി. വയറില് അണുബാധയുണ്ടെന്നാണ് ഇതിന് കാരണമായി അദ്ദേഹം പറഞ്ഞത്.
അതേസമയം വൈകിട്ട് നാല് മണിയോടെ ബെംഗളുരുവില് നടത്തിയ വാര്ത്താ സമ്മേളനത്തിലായിരുന്നു ഡി കെ, മുഖ്യമന്ത്രി സ്ഥാനത്തെക്കുറിച്ചുള്ള തര്ക്കത്തിലെ അതൃപ്തി ആദ്യമായി പരസ്യമാക്കിയത്. കോണ്ഗ്രസ് ദേശീയ അധ്യക്ഷന് മല്ലികാര്ജുന് ഖാര്ഗെയുടെ വസതിയിലാണ് ചര്ച്ച നടക്കുന്നത്. ജിതേന്ദ്ര സിങ്, ദീപക് ഭവാരിയ എന്നിവരും കെസി വേണുഗോപാലുമുള്പ്പടെയുള്ളവര് ചര്ച്ചയ്ക്കായി ദില്ലിയില് എത്തിയിട്ടുണ്ട്. ഞായറാഴ്ച ബംഗ്ലൂരുവില് ചേര്ന്ന എഎല്എമാരുടെ നിയമസഭാ കക്ഷി യോഗത്തില് മുഖ്യമന്ത്രി സ്ഥാനം സംബന്ധിച്ച് തീരുമാനമായില്ല. ഇതോടെ മുഖ്യമന്ത്രിയെ തീരുമാനിക്കാന് ദേശീയ അധ്യക്ഷനോട് നിര്ദ്ദേശിച്ച് എംഎല്എമാര് പ്രമേയം പാസാക്കുകയായിരുന്നു. സോണിയ ഗാന്ധി, രാഹുല് ഗാന്ധി അടക്കമുള്ള നേതാക്കളുമായി സംസാരിച്ച ശേഷമാകും കോണ്ഗ്രസ് അധ്യക്ഷന് മല്ലികാര്ജുന് ഖര്ഗെ മുഖ്യമന്ത്രിയാരാകാണമെന്നതില് തീരുമാനം പ്രഖ്യാപിക്കുക.
