കോന്നി : ആധാരം എഴുത്ത് അസോസിയേഷൻ കോന്നി യൂണിറ്റിന്റെ നേതൃത്വത്തിൽ സബ് രജിസ്ട്രാർ ഓഫീസിനു മുന്നിൽ കൂട്ട ധർണ്ണ നടത്തി. ആധാരം എഴുത്ത് അസോസിയേഷൻ ജില്ലാ വൈസ് പ്രസിഡന്റ് ഡി.കെ തങ്കമണി കൂട്ട ധർണ്ണ ഉദ്ഘാടനം ചെയ്തു. ആധാരം എഴുത്ത് തൊഴിൽ സംരക്ഷിക്കുക, ആധാരം എഴുത്തുകാരുടെ ക്ഷേമനിധി വർധിപ്പിക്കുക, ആധാരം എഴുത്ത് തൊഴിൽ തങ്ങൾക്ക് വേണ്ടി മാത്രം സംവരണംചെയ്യുക എന്നീ ആവശ്യങ്ങൾ ഉന്നയിച്ചുകൊണ്ടാണ് ധർണ്ണ സംഘടിപ്പിച്ചത്. യൂണിറ്റ് പ്രസിഡന്റ് എൻ.എസ് വിജയകുമാർ യോഗത്തിൽ അധ്യക്ഷതവഹിച്ചു. യൂണിറ്റ് സെക്രട്ടറി രതീഷ് കുമാർ.ബി സ്വാഗതം പറഞ്ഞു. മാമൻ മത്തായി, കെ.ജെ രാജേന്ദ്രൻ പിള്ള, എസ് അശോക് കുമാർ, ബി.ജയദേവൻ, എബി മോൻ എന്നിവർ സംസാരിച്ചു.
