ഡല്‍ഹി : രാജ്യത്ത് പാചകവാതക സിലിണ്ടറിന് വിലകൂട്ടി. ഗാർഹിക സിലിണ്ടറിന്‍റെ വില 11.50 രൂപയാണ് കൂട്ടിയത്. ഇതോടെ സിലിണ്ടറിന്‍റെ വില 597 രൂപയായിട്ടുണ്ട്. ഗാർഹികേതര സിലിണ്ടറിന് 110 രൂപയാണ് കൂട്ടിയത്. ഇതോടെ സിലിണ്ടറിന്‍റെ വില 1,135 രൂപയായി. ലോക്ക്ഡൗൺ പ്രതിസന്ധികൾക്കിടെയാണ് പാചക വാതകത്തിനും വില വർധിച്ചിരിക്കുന്നത്.
അന്താരാഷ്ട്ര വിപണിയില്‍ എല്‍പിജിയുടെ വില വര്‍ധിച്ചതിന്‍റെ ഫലമായാണ് ഇത്തരത്തില്‍ ഒരു വില വര്‍ധനവ് എന്നാണ് ഇന്ത്യന്‍ ഓയില്‍ കോര്‍പ്പറേഷന്‍ വില വര്‍ദ്ധനവ് സംബന്ധിച്ച് പ്രതികരിച്ചത്. എന്നാല്‍ പുതിയ വില വര്‍ധനവ് ലോക്ക്ഡൗണ്‍ കാലത്ത് പ്രഖ്യാപിച്ച പാക്കേജ് പ്രകാരം സിലണ്ടര്‍ ലഭിക്കുന്ന പ്രധാനമന്ത്രി ഉജ്ജല യോജന ഉപയോക്താക്കള്‍ക്ക് ബാധകമല്ലെന്ന് ഇന്ത്യന്‍ ഓയില്‍ കോര്‍പ്പറേഷന്‍ അറിയിച്ചു.
