തിരുവനന്തപുരം: ബിജെപിയുടെ കര്ണാടക നിയമസഭ തെരഞ്ഞെടുപ്പിലെ പരാജയത്തില് പ്രതികരിച്ച് ബിജെപി സംസ്ഥാന പ്രസിഡന്റ് കെ സുരേന്ദ്രന്. തെരഞ്ഞെടുപ്പിലെ ജയവും തോല്വിയും ജനാധിപത്യത്തിന്റെ ഭാഗമാണെന്നും കോണ്ഗ്രസ് ഇനിയെങ്കിലും ഇലക്ട്രോണിക്ക് വോട്ടിംഗ് മെഷീനെ കുറ്റം പറയരുതെന്നും സുരേന്ദ്രന് പറഞ്ഞു. കര്ണാടകയിലെ ജനവിധി അംഗീകരിച്ച് ബിജെപി ക്രിയാത്മക പ്രതിപക്ഷമായി പ്രവര്ത്തിക്കുമെന്ന് അദ്ദേഹം പറഞ്ഞു.
കോണ്ഗ്രസ് തോറ്റാല് അവര് ഇവിഎമ്മിനെയും ഭരണഘടനാ സ്ഥാപനങ്ങളെയും ജനങ്ങളെയും അപമാനിക്കുയാണ് ചെയ്യാറെന്നും ഇനിയെങ്കിലും കോണ്ഗ്രസിന് ജനാധിപത്യത്തിലുള്ള വിശ്വാസം തിരിച്ചു കിട്ടുമെന്ന് പ്രതീക്ഷിക്കാമെന്നും അദ്ദേഹം പ്രസ്താവനയില് പറഞ്ഞു. മുസ്ലിം സംവരണവും പിഎഫ്ഐ പ്രീണനവും ഉയര്ത്തിയാണ് ഇത്തവണ കോണ്ഗ്രസ് തെരഞ്ഞെടുപ്പ് പ്രചരണം നടത്തിയതെന്നും കെ.സുരേന്ദ്രന് പറഞ്ഞു.