കൊച്ചി : നടിയെ ആക്രമിച്ച കേസില്‍ താന്‍ അതിജീവിതയ്‌ക്കൊപ്പമെന്ന് തൃക്കാക്കരയിലെ എല്‍ഡിഎഫ് സ്ഥാനാര്‍ത്ഥി ഡോ ജോ ജോസഫ്. നടിയെ ആക്രമിച്ച കേസില്‍ അതിജീവിതയ്ക്ക് പിന്തുണയറിയിച്ച്‌ കൊണ്ട് വഞ്ചി സ്‌ക്വയറില്‍ ജനകീയ കൂട്ടായ്മ സംഘടിപ്പിച്ച ഏകദിന ഉപവാസ സമരത്തില്‍ സംസാരിക്കുകയായിരുന്നു ജോ ജോസഫ്.
താനും അതിജീവിതക്കൊപ്പമാണ്. നന്മക്കൊപ്പമാണ്. ഇവിടെ നീതി പുലരണമെന്നും ജോ ജോസഫ് പറഞ്ഞു. കൂടാതെ തൃക്കാക്കരയിലെ എല്‍.ഡി.എഫ് സ്ഥാനാര്‍ഥി ഡോ.ജോ ജോസഫ് ക്രിക്കറ്റ് ടൂര്‍ണമെന്‍റില്‍ പങ്കെടുക്കാന്‍ ഇന്ന് രാവിലെ തൃശൂരില്‍ എത്തിയിരുന്നു. കാര്‍ഡിയോളജി ഡോക്ടര്‍മാരുടെ ക്രിക്കറ്റ് ടൂര്‍ണമെന്‍റില്‍ പങ്കെടുക്കാന്‍ ആണ് എത്തിയത്. ഒരു ഓവര്‍ ബൗള്‍ ചെയ്താണ് സ്ഥാനാര്‍ഥി മടങ്ങിയത്.
