പത്തനംതിട്ട: സാമൂഹിക പ്രവർത്തക ഡോ. എം. എസ് .സുനിൽ ഭവനരഹിതരായി സുരക്ഷിതമല്ലാത്ത കുടിലുകളിൽ കഴിയുന്ന നിരാലമ്പർക്ക് പണിത് നൽകുന്ന 296 -മത് സ്നേഹഭവനം മഞ്ഞനിക്കര വാലുതറ മുകളും പടിഞ്ഞാറ്റതിൽ സിന്ധു ജോസഫിനും 3 പെൺകുഞ്ഞുങ്ങൾക്കുമായി വിദേശ മലയാളിയായ മാത്യു കരിമറ്റത്തിന്റെ സഹായത്താൽ നിർമ്മിച്ചു നൽകി. വീടിൻറെ താക്കോൽദാനവും ഉദ്ഘാടനവും പത്തനംതിട്ട ജില്ലാ കളക്ടർ എ .ഷിബു. ഐ.എ.എസ് .നിർവഹിച്ചു.
അനേക വർഷങ്ങളായി സ്വന്തമായ ഭവനം നിർമ്മിക്കുവാൻ യാതൊരു മാർഗവും ഇല്ലാതെ സിന്ധുവും കൂലി വേലക്കാരനായ ഭർത്താവ് ജോസഫും മൂന്ന് പെൺകുഞ്ഞുങ്ങളുമായി ഒറ്റമുറി തകര ഷെഡിനുള്ളിൽ യാതൊരുവിധ സുരക്ഷിതത്വവും ഇല്ലാതെ കഴിയുകയായിരുന്നു. ഇവരുടെ ദയനീയ അവസ്ഥ നേരിൽ കാണുവാൻ ഇടയായ ടീച്ചർ ഇവർക്കായി മാത്യു കരിമറ്റത്തിന്റെ സഹായത്താൽ രണ്ട് മുറികളും അടുക്കളയും ഹാളും ശുചിമുറിയും സിറ്റൗട്ടും അടങ്ങിയ ഇരുനില വീട് പണിത് നൽകുകയായിരുന്നു. ചടങ്ങിൽ ബ്ലോക്ക് പഞ്ചായത്ത് മെമ്പർ കലാ അജിത്ത്., മുൻ പഞ്ചായത്ത് പ്രസിഡൻറ് രാമചന്ദ്രൻ നായർ, വാർഡ് മെമ്പർമാരായ ലീല കേശവൻ., ബിന്ദു. ടി. ചാക്കോ., പ്രോജക്ട് കോഡിനേറ്റർ കെ. പി. ജയലാൽ., അനു മോനി., മോൻസി പോൾ എന്നിവർ പ്രസംഗിച്ചു.
