തിരുവനന്തപുരം: കൊട്ടാരക്കര താലൂക്ക് ആശുപത്രിയില് ചികിത്സക്കിടെ ഡോ. വന്ദന ദാസിനെ കൊലപ്പെടുത്തിയ പ്രതി സന്ദീപിനെ പോലുള്ള അധ്യാപകര് വേറെയുണ്ടോ എന്ന് അന്വേഷിക്കുമെന്ന് വി ശിവന് കുട്ടി. ഈ സൈസ് അദ്ധ്യാപകര് വേറെയുണ്ടോ എന്ന് അന്വേഷിക്കുന്നുണ്ടെന്ന് വിദ്യാഭ്യാസ മന്ത്രി പറഞ്ഞു. സന്ദീപിനെ പോലുള്ള അധ്യാപകനെ കുറിച്ച് മുതിര്ന്ന ഉദ്യോഗസ്ഥര്ക്ക് അറിവില്ലായിരുന്നു എന്നത് അത്ഭുതകരമാണ്. സ്കൂളുകളിലെ ലഹരി ഉപയോഗത്തെ കര്ശനമായി നിയന്ത്രിക്കണമെന്നും മന്ത്രി പറഞ്ഞു.
അതേസമയം വന്ദന ദാസിനെ കുത്തിക്കൊലപ്പെടുത്തിയ കേസിലെ പ്രതി സന്ദീപിനെ കസ്റ്റഡിയില് കിട്ടാന് അന്വേഷണ സംഘം കോടതിയില് ഇന്ന് അപേക്ഷ നല്കും. കൊല്ലപ്പെടുമെന്ന് സന്ദീപ് ഭയപ്പെട്ട കാര്യത്തെക്കുറിച്ചും പരിശോധിക്കും. ആശുപത്രിയിലെ സി സി ടി വിയുടെ ഹാര്ഡ് ഡിസ്ക്കുകള് അന്വേഷണ സംഘം ശേഖരിച്ചിട്ടുണ്ട്. സംഭവ ദിവസം മദ്യപിച്ചിരുന്നുവെങ്കിലും താന് ലഹരിക്ക് അടിമയല്ലെന്ന് ജയില് ഉദ്യോഗസ്ഥരോട് സന്ദീപ് പറഞ്ഞിരുന്നു. നാട്ടുകാര് പിന്തുടര്ന്നപ്പോഴാണ് പോലിസിനെ ആദ്യം വിളിച്ചതെന്നും മൊഴി നല്കിയിട്ടുണ്ട്. സന്ദീപിന് മാനസിക പ്രശ്നങ്ങളില്ലെന്ന് പേരൂര്ക്കട മാനസികാരോഗ്യ കേന്ദ്രത്തിലെ വിദഗ്ധന് ഡോ. അരുണ് അറിയിച്ചു. കഴിഞ്ഞ ബുധനാഴ്ച പുലര്ച്ചെ അഞ്ചോടെയാണ് കൊട്ടാരക്കര താലൂക്ക് ആശുപത്രിയില് ജോലിക്കിടെ വന്ദന ദാസിനെ കുത്തിക്കൊലപ്പെടുത്തിയത്.
