കോന്നി : കോന്നി റിപ്പബ്ലിക്കൻ വൊക്കേഷണൽ ഹയർ സെക്കൻ്ററി സ്കൂളിലെ മലയാളം ക്ലബ്ബിൻ്റെ നേതൃത്വത്തിൽ ദ്വിദിനനാടക പഠനക്കളരി നടത്തി. പ്രശസ്ത നാടക രചയിതാവും സംവിധായകനുമായ ശ്രീ.കൊടുമൺ ഗോപാലകൃഷ്ണനാണ് ക്ലാസ്സുകൾ എടുത്തത്. സ്കൂൾ കലോൽസവങ്ങൾ ഇല്ലാതിരുന്ന രണ്ടു വർഷങ്ങൾക്ക് ശേഷം വീണ്ടും സ്കൂളുകൾ സജീവമാകുന്നതിൻ്റെ മുന്നൊരുക്കമായാണ് 45 കുട്ടികൾ പങ്കെടുത്ത നാടകപഠനക്കളരി സംഘടിപ്പിച്ചത്. എസ്സ്.സന്തോഷ് കുമാർ, മനോജ് പുളിവേലിൽ ആർ.ശ്രീകുമാർ ,കെ .ആർ .രാജലക്ഷ്മി, മായ.ടി.എൻ., വിധു .ആർ, വി എന്നിവർ നേതൃത്വം നൽകി.
