തിരുവല്ല : തിരുവല്ലയിലെ വിവിധ ദുരിതാശ്വാസ ക്യാമ്പുകളില് കുടിവെള്ള ക്ഷാമം അതിരൂക്ഷമായി തുടരുകയാണെന്ന് തിരുവല്ല എം.എല്.എ അഡ്വ.വര്ഗീസ് മാമ്മന്. നിലവില് ക്യാമ്പുകളില് ഉള്ക്കൊള്ളാന് കഴിയുന്നതിലും അധികം ആളുകളാണ് ഉള്ളത്. ഇവര്ക്കാവശ്യമായ ആഹാര സാധനങ്ങളും വസ്ത്രങ്ങളും മരുന്നുകളും ഉള്പ്പെടെ എത്തിച്ച് നല്കിയിട്ടുണ്ട്. എന്നാല് പല ക്യാമ്പുകളിലും ആവശ്യത്തിന് കുടിവെള്ളം ലഭ്യമല്ലാത്ത സാഹചര്യമാണ് നിലവിലുള്ളത്. ഇതിനാല് ക്യാമ്പുകളില് കുപ്പിവെള്ളം ഉള്പ്പടെ എത്തിക്കുവാന് സന്നദ്ധ സംഘടനകളുടെ ഉള്പ്പെടെ സഹായം ആവശ്യമാണെന്നും അദ്ദേഹം പറഞ്ഞു.
കഴിഞ്ഞ ദിവസം തിരുവല്ല താലൂക്കിലെ വെള്ളപ്പൊക്ക സാഹചര്യങ്ങള് വിലയിരുത്തുന്നതിനായി ജില്ലയുടെ ചുമതലയുള്ള സാംസ്കാരിക വകുപ്പ് മന്ത്രി പി.സി വിഷ്ണുനാഥ് തിരുവല്ല താലൂക്ക് ഓഫീസില് സന്ദര്ശനം നടത്തുകയും സാഹചര്യങ്ങള് വിലയിരുത്തുവാന് ചേര്ന്ന യോഗത്തില് പങ്കെടുക്കുകയും ചെയ്തിരുന്നു. ആറന്മുള എം.എല്.എ അബിന് വര്ക്കി, ജില്ലാ കളക്ടര് എ.നിസാമുദ്ദീന്, ജന പ്രതിനിധികള്, വകുപ്പ്തല ഉദ്യോഗസ്ഥര് തുടങ്ങിയവര് പങ്കെടുത്ത യോഗത്തില് ദുരിതാശ്വാസ പ്രവര്ത്തനങ്ങള് കൂടുതല് കാര്യക്ഷമമായി മുന്നോട്ട് കൊണ്ടുപോകാന് ആവശ്യമായ തീരുമാനങ്ങള് എടുത്തിരുന്നു.
