ചാവക്കാട് : ദേശീയപാതയില് ലോറിയില്നിന്ന് ഇരുമ്പുഷീറ്റ് വീണ് രണ്ടുപേര് മരിച്ച സംഭവത്തില് ഡ്രൈവര് അറസ്റ്റില്. എറണാകുളം കുമ്പളങ്ങി ചൂരക്കുളത്ത് ഏറ്റവല്ലി ജൂലിസ് റേയെയാണ് (49) വടക്കേകാട് എസ്.ഐ ആര്.പി. സുജിത്തിന്റെ നേതൃത്വത്തില് അറസ്റ്റ് ചെയ്തത്. കഴിഞ്ഞ വെള്ളിയാഴ്ച രാവിലെ അകലാട് സ്കൂളിന് മുന്നിലായിരുന്നു അപകടം.
ലോറിയിലെ ഇരുമ്പ് പാനല് കെട്ടുപൊട്ടി വീണ് എടക്കഴിയൂര് തെക്കേ മദ്റസ സ്വദേശി പുതുവീട്ടില് മഠത്തി പറമ്പില് മുഹമ്മദലി ഹാജി (76), എടക്കഴിയൂര് പഞ്ചവടി ക്ഷേത്രത്തിന് പടിഞ്ഞാറ് കിഴക്കല അബുവിന്റെ മകന് ഷാജി (40) എന്നിവരാണ് മരിച്ചത്.
