റാന്നി : ക്രഷര് യൂണിറ്റില് പാറ മാറ്റുന്ന ടോറസ് ലോറിയുടെ ഡ്രൈവറെ വാഹനത്തിനുള്ളില് മരിച്ച നിലയില് കണ്ടെത്തി. വെച്ചൂച്ചിറ ചെമ്പനോലി കാവുങ്കല് ക്രഷര് യൂണിറ്റിലെ ഡ്രൈവര് നെടുങ്കണ്ടം കല്ലാര് തണ്ണിമൂട് ബ്ലോക്ക് നമ്പര് 39ല് മീനാക്ഷിഭവന് വി.കെ തങ്കപ്പന്റെ മകന് എം.ടി വിനോദ് (41) ആണ് മരിച്ചത്. തിങ്കളാഴ്ച ഉച്ചയോടാണ് സംഭവം. മണ്ണുമാന്തി യന്ത്രം ഉപയോഗിച്ച് കോരിമാറ്റുന്ന പാറ ക്രഷര് യൂണിറ്റിലേയ്ക്ക് ലോറിയില് മാറ്റുന്ന ജോലിയാണ് വിനോദ് ചെയ്തിരുന്നത്.
ടേണില് കിടന്ന ലോറി ഊഴമായിട്ടും എത്താതായതോടെ ജോലിക്കാര് വന്നു നോക്കുമ്പോള് വാഹനത്തില് വീണു കിടക്കുന്ന നിലയില് കാണുകയായിരുന്നു. വെച്ചൂച്ചൂറയിലെ സ്വകാര്യ ആശുപത്രിയിലെത്തിച്ചെങ്കിലും മരിച്ചിരുന്നു. ഹൃദയാഘാതമാണ് മരണകാരണമെന്ന് പോസ്റ്റുമോര്ട്ടം നടത്തിയ കോട്ടയം മെഡിക്കല് കോളേജിലെ ഡോക്ടര്മാര് സ്ഥിരീകരിച്ചു. വെച്ചൂച്ചിറ പോലീസ് മേല് നടപടികള് സ്വീകരിച്ചു. സംസ്ക്കാരം നടത്തി. ഭാര്യ: അനിജ.മകള്: മീനാക്ഷി
