വൈക്കം : വൈക്കം കെ വി കനാലിന് സമീപം മാരാം വീട് തോട്ടില് കുളിക്കാന് ഇറങ്ങി ഒഴുക്കില്പ്പെട്ട് കാണാതായ ഗൃഹനാഥന്റെ മൃതദേഹം കണ്ടെത്തി.തോട്ടകം ഇണ്ടംതുരുത്ത് കോളനിയില് ദാസന് (70) ആണ് മരിച്ചത്. ബുധനാഴ്ച ഉച്ചയ്ക്ക് രണ്ട് മണിയോടെ തോട്ടില് കുളിക്കാന് ഇറങ്ങുന്നതിനിടെ ശക്തമായ ഒഴുക്കില്പ്പെട്ട് കാണാതാവുകയായിരുന്നു.കടവിന് സമീപത്തെ തടി വര്ക്ഷോപ്പ് ജീവനക്കാരനായ സുധീഷാണ് ഒഴുക്കില്പ്പെട്ട് പോകുന്നത് കണ്ടത്. തുടര്ന്ന് വൈക്കം ഫയര്ഫോഴ്സില് വിവരം അറിയിക്കുകയായിരുന്നു. വൈകീട്ട് 3.30 ഓടെയാണ് മൃതദേഹം കണ്ടെത്തിയത്. മൃതദേഹം വൈക്കം താലൂക്ക് ആശുപത്രി മോര്ച്ചറിയിലേക്ക് മാറ്റി. ഭാര്യ: പരേതയായ സുന്ദരി. മക്കള്: രമ്യാ, ഉണ്ണിക്കണ്ണന്.
