ഓമല്ലൂര്: ഉഴുവത്ത് ദേവി ക്ഷേത്രത്തിന് സമീപം അച്ചന്കോവിലാറ്റില് ആറാട്ട് കടവില് യുവാവിനെ ഒഴുക്കില്പ്പെട്ട് കാണാതായി. നെയ്യാറ്റിന്കര പുലകള്ക്കോണം സ്വദേശി ജയപാലി(46) നെയാണ് ഞായര് രാവിലെ മുതല് കാണാതായത്. ഒന്നര വര്ഷമായി ഇവിടെ ഒരു കരാറുകാരനോടൊപ്പം മേസ്തിരി പണി ചെയ്തു വരികയായിരുന്നു. രാവിലെ കുളിക്കാന് ഇറങ്ങിയപ്പോള് കാല് വഴുതി വീണു ഒഴുക്കില്പ്പെട്ടതാകാം എന്ന് സംശയിക്കുന്നു.
മൊബൈല് ഫോണും വസ്ത്രങ്ങളും ചെരുപ്പും ഉള്പ്പെടെ കരയ്ക്ക് കണ്ടെത്തിയിരുന്നു. പത്തനംതിട്ട അസിസ്റ്റന്റ് സെക്ഷന് ഓഫീസര് അജിത് കുമാറിന്റെ നേതൃത്വത്തില് ഫയര്ഫോഴ്സ് ഉച്ചയ്ക്ക് 12 മണി മുതല് തെരച്ചില് നടത്തിയെങ്കിലും ഫലം ഉണ്ടായില്ല. മുങ്ങല് വിദഗ്ധന്മാരായ ശ്രീകുമാര്, അനില് രാജ്, ഫയര് ഓഫീസര്മാരായ സന്തോഷ് കുമാര്, നൗഷാദ്, ജിഷ്ണു, രഞ്ജിത്ത് എന്നിവരും സ്കൂബാ ടീമിനോടൊപ്പം ഉണ്ടായിരുന്നു. വൈകിട്ട് ആറുമണിയോടെ തെരച്ചില് നിര്ത്തി. തിങ്കളാഴ്ച തുടരുമെന്ന് പഞ്ചായത്ത് പ്രസിഡന്റ് ജോണ്സണ് വളവിനാല് പറഞ്ഞു.
