കോഴിക്കോട് : ഇവന്റ് മാനേജ്മെന്റിന്റെ മറവില് ലഹരിമരുന്ന് വില്പ്പന നടത്തിയ മൂന്ന് പേര് പിടിയില്. മേപ്പാടി കിളിയമണ്ണ വീട്ടില് മുഹമ്മദ് ഷാമില് റഷീദ് (25), അത്തോളി കളത്തുംകണ്ടി ഫന്ഷാസ് (24), വയനാട് കപ്പംകൊല്ലി പതിയില് വീട്ടില് നൗഫല് അലി (22), എന്നിവരെയാണ് പോലീസ് പിടികൂടിയത്. പിടിയിലായവര് ബി ടെക് ബിരുദധാരികളാണ്. എസ്ഐ ടി വി ധനഞ്ജയ ദാസിന്റെ നേതൃത്വത്തിലുള്ള പന്തീരാങ്കാവ് പോലീസും നാര്ക്കോട്ടിക്ക് സെല് അസിസ്റ്റന്റ് കമ്മീഷണര് പ്രകാശന് പടന്നയിലിന്റെ നേതൃത്വത്തിലുള്ള ഡിസ്ട്രിക്റ്റ് ആന്റി നാര്ക്കോട്ടിക്ക് സ്പെഷ്യല് ആക്ഷന് ഫോഴ്സ് (ഡാന്സാഫും) ചേര്ന്നാണ് ഇവരെ പിടികൂടിയത്.
