മുംബൈ : ആഡംബര കപ്പലിലെ ലഹരിപാര്ട്ടി കേസില് ബോളിവുഡ് താരം ഷാരൂഖ് ഖാന്റെ മകന് ആര്യന് ഖാന് ജാമ്യം. ബോംബൈ ഹൈക്കോടതിയാണ് ജാമ്യം അനുവദിച്ചത്. നാര്കോടിക്സ് കണ്ട്രോള് ബ്യൂറോ(എന്.സി.ബി) അറസ്റ്റ് ചെയ്ത് 25 ദിവസത്തിന് ശേഷമാണ് ആര്യന് ഖാന് ജാമ്യം ലഭിക്കുന്നത്. വെള്ളിയാഴ്ചയോ ശനിയാഴ്ചയോ ആര്യന് ഖാനെ ജയില് മോചിതനാക്കും.
നേരത്തെ മുംബൈയിലെ പ്രത്യേക കോടതിയില് ജാമ്യാപേക്ഷ സമര്പ്പിച്ചിരുന്നെങ്കിലും ഹര്ജി കോടതി തള്ളിയിരുന്നു. തുടര്ന്നാണ് ബോംബെ ഹൈക്കോടതിയില് ജാമ്യാപേക്ഷ സമര്പ്പിച്ചത്. ആര്യന് ജാമ്യം നിഷേധിച്ചതില് കഴിഞ്ഞ ദിവസം അഭിഭാഷകര് ശക്തമായ വിമര്ശനം നടത്തിയിരുന്നു. ജാമ്യം ലഭിച്ചാല് കേസിനെ സ്വാധീനിക്കുമെന്നായിരുന്നു എതിര്ഭാഗത്തിന്റെ വാദം.
