എരുമേലിയില്‍ ഉരുള്‍ പൊട്ടല്‍ ; വന്‍ നാശനഷ്ടം – ആളപായം ഇല്ല

കോട്ടയം : എരുമേലി പഞ്ചായത്തിലെ ഏഞ്ചല്‍ വാലിയില്‍ മൂന്നിടത്ത് ഉരുള്‍പൊട്ടലും വെള്ളപ്പൊക്കവും ഉണ്ടായി. എരുമേലി പഞ്ചായത്തിലെ 12ാം വാര്‍ഡ് ഏഞ്ചല്‍ വാലി ജംക്ഷന്‍, പള്ളിപടി, വളയത്ത് പടി എന്നിവിടങ്ങളിലാണ് ഉരുള്‍പൊട്ടല്‍ ഉണ്ടായത്. ആളപായമില്ല. ദുരന്ത നിവാരണസേന സ്ഥലത്തേക്ക് പുറപ്പെട്ടു. സ്ഥലത്ത് കനത്ത നാശനഷ്ടമുണ്ടായെന്നാണ് അറിയുന്ന വിവരം. പ്രദേശത്തെ സ്ഥാപനങ്ങളിലും വീടുകളിലും വെള്ളം കയറി. വീടുകളിലെ പാത്രങ്ങള്‍ ഒഴുകിപ്പോയി. നിരവധി വാഹനങ്ങള്‍ക്ക് കേടുപാടു പറ്റി. പ്രദേശത്ത് എത്തിയ ഒരു ഓട്ടോറിക്ഷ ഒഴുകിപ്പോയി.