Friday, March 29, 2024 4:12 pm

മദ്യപിച്ചു വാഹനമോടിച്ചു ; ചോദ്യം ചെയ്ത വനിതാ കൗൺസിലറെ കാർ കയറ്റി അപായപ്പെടുത്താൻ ശ്രമം

For full experience, Download our mobile application:
Get it on Google Play

കൊല്ലം : മദ്യപിച്ചു വാഹനമോടിച്ച് പരാക്രമം കാട്ടിയത് ചോദ്യംചെയ്ത കോർപ്പറേഷൻ വനിതാ കൗൺസിലറെ കാർ കയറ്റി അപായപ്പെടുത്താൻ ശ്രമം. കോർപ്പറേഷൻ ആലാട്ടുകാവ് ഡിവിഷനിലെ കൗൺസിലർ കാവനാട് കന്നിമേൽ ചേരി ഉരുമാളൂർ പടിഞ്ഞാറ്റതിൽ മാധവത്തിൽ എ.ആശയുടെ കാലിലൂടെയാണ് ആഡംബരക്കാർ കയറ്റിയിറക്കിയത്. ഇരുകാലുകളിലും പൊട്ടലുണ്ടായ ആശയെ ജില്ലാ ആശുപത്രിയിൽ പ്രവേശിപ്പിച്ചു. കാർ ഓടിച്ച ശക്തികുളങ്ങര സ്വദേശിയായ ഗൾഫ് വ്യവസായി ബെൻ റൊസാരിയോയെ ശക്തികുളങ്ങര പോലീസ് കസ്റ്റഡിയിലെടുത്തു.

Lok Sabha Elections 2024 - Kerala

തിങ്കളാഴ്ച വൈകീട്ട് അഞ്ചരയോടെ ശക്തികുളങ്ങര പോലീസ് സ്റ്റേഷനു സമീപം സരിത മുക്കിലാണ് സംഭവം. മദ്യലഹരിയിൽ കാറിലെത്തിയ ബെൻ റൊസാരിയോ എതിരേ വന്ന ബൈക്ക് യാത്രികനെ ഇടിച്ചിട്ടു. ഇതു ചോദ്യംചെയ്ത ബൈക്ക് യാത്രികന്‍റെ മൂക്കിടിച്ചു തകർത്തു. കൊല്ലത്തെ പൊതുപരിപാടി കഴിഞ്ഞ് വീട്ടിലേക്ക് സ്കൂട്ടറിൽ മടങ്ങുകയായിരുന്ന കൗൺസിലർ ആശ സംഭവം കണ്ട് വിവരം തിരക്കാനെത്തി. ഉടൻ പ്രതി ആശയെ അസഭ്യം പറയുകയും കൈയേറ്റത്തിനു മുതിരുകയും ചെയ്തു.

തുടർന്ന് വാഹനത്തിൽ കയറി ഇരപ്പിച്ച് മുന്നോട്ടെടുക്കാൻ ശ്രമിക്കവേ രാമൻകുളങ്ങര സ്വദേശി പൂക്കച്ചവടക്കാരനായ സുനിൽകുമാർ ബൈക്കുമായെത്തി കാറിനു കുറുകേ നിർത്തി. ഉടൻ ബെൻ റോസാരിയോ കാർ പിന്നോട്ടെടുത്തശേഷം അമിതവേഗത്തിൽ മുന്നോട്ടെടുത്ത് സുനിൽകുമാറിനെ ഇടിച്ചുതെറിപ്പിച്ചശേഷം ആശയുടെ കാലിലൂടെ കയറ്റിയിറക്കി. സുനിൽകുമാറിന്റെ കാലിനും പൊട്ടലുണ്ട്. ബെൻ റൊസാരിയോയെ നാട്ടുകാർ തടഞ്ഞുവെച്ച് പോലീസിനു കൈമാറി. വൈദ്യപരിശോധനയ്ക്കായി ഇയാളെ ജില്ലാ ആശുപത്രിയിൽ എത്തിച്ചപ്പോഴും അസഭ്യവർഷം തുടർന്നു.

കൗൺസിലറെ അപായപ്പെടുത്തിയ സംഭവമറിഞ്ഞ് ഡി.വൈ.എഫ്.ഐ. പ്രവർത്തകരടക്കം ആശുപത്രിയിൽ തടിച്ചുകൂടി. വൈദ്യപരിശോധനയ്ക്കുശേഷം ഇയാളെ കൊണ്ടുപോകുന്നതിനിടെ പ്രതിഷേധമുണ്ടായി. കൂടുതൽ പോലീസ്‌ എത്തിയാണ് സ്ഥിതിഗതികൾ നിയന്ത്രിച്ചത്. അപകടമുണ്ടാക്കിയ ബെൻ റൊസാരിയോയെ ചികിത്സയ്ക്കായി പാരിപ്പള്ളി മെഡിക്കൽ കോളേജ്‌ ആശുപത്രിയിലേക്കു മാറ്റി.

ncs-up
life-line
rajan-new
previous arrow
next arrow
Advertisment
shanthi--up
life-line
sam
WhatsAppImage2022-07-31at72836PM
previous arrow
next arrow

FEATURED

ആലപ്പുഴ പുന്നമടയിൽ കഴിഞ്ഞ ദിവസം ഉണ്ടായ ഇടിമിന്നലിൽ വീടിന്‍റെ വയറിങ് പൂർണമായി കത്തിനശിച്ചു

0
ആലപ്പുഴ: ആലപ്പുഴ പുന്നമടയിൽ കഴിഞ്ഞ ദിവസം ഉണ്ടായ ഇടിമിന്നലിൽ വീടിന്‍റെ വയറിങ്...

രാജ്യത്ത് ബി.ജെ.പി നടത്തുന്നത് നികുതി ഭീകരതയെന്ന് കോൺഗ്രസ്

0
ഡല്‍ഹി: രാജ്യത്ത് ബി.ജെ.പി നടത്തുന്നത് നികുതി ഭീകരതയെന്ന് കോൺഗ്രസ് . തെരഞ്ഞെടുപ്പ്...

സഹകരണബാങ്കുകളിലെ തട്ടിപ്പ് തടയാനുള്ള കർശനനടപടിക്ക് വിമുഖത കാണിച്ച് വകുപ്പ്

0
തൃശ്ശൂർ: കേരളത്തിലെ സഹകരണബാങ്കുകളിലെ തട്ടിപ്പ് തടയാനുള്ള കർശനനടപടിക്ക് സഹകരണ വകുപ്പിന് വിമുഖത....

2000 രൂപാ നോട്ടുകളുടെ ബാങ്ക് ഇടപാട് ഏപ്രില്‍ 1ന് നടക്കില്ല : ആര്‍.ബി.ഐ

0
ഡല്‍ഹി: 2000 രൂപാ നോട്ടുകളുടെ ബാങ്ക് ഇടപാടിന് ഈ സാമ്പത്തിക വര്‍ഷം...