മാനന്തവാടി: മദ്യപിച്ച് തെരഞ്ഞെടുപ്പ് ജോലിക്കെത്തിയ ഉദ്യോഗസ്ഥനെ സസ്പെന്ഡ് ചെയ്തു. ജില്ല സൈനികക്ഷേമ ഓഫീസിലെ സീനിയര് ക്ലര്ക്ക് ഒ ജി സുധാകരനെയാണ് സസ്പെന്ഡ് ചെയ്തത്.
മാനന്തവാടി മണ്ഡലം ഭരണാധികാരികൂടിയായ സബ് കലക്ടര് വികല്പ് ഭരദ്വാജ് ആണ് സസ്പെന്ഡ് ചെയ്തത്.
മാനന്തവാടി നിയോജക മണ്ഡലം 74-ാം നമ്പര് പോളിങ് സ്റ്റേഷനിലെ പോളിങ് ഓഫീസര് 2 ആയിട്ടായിരുന്നു ഇയാള്ക്ക് ചുമതല. എന്നാല്, ജോലി ചെയ്യാന് കഴിയാത്തവിധം മദ്യപിച്ചെത്തിയതിനെ തുടര്ന്ന് ഭരണാധികാരിക്ക് റിപ്പോര്ട്ട് നല്കുകയായിരുന്നു.