ചാവക്കാട് : മാരക ലഹരിമരുന്നുമായി കോട്ടയം സ്വദേശികള് പിടിയില്. കാറില് കടത്താന് ശ്രമിച്ച 10.30 ലക്ഷം രൂപയുടെ എം.ഡി.എം.എയും കഞ്ചാവും പിടിച്ചെടുത്തു. സംഭവത്തില് മാനാടിയില് ഷിനാജ് (42), ആനിക്കലോടിയില് രാജീവ് (47) എന്നിവരെയാണ് ചാവക്കാട് പോലീസ് നഗരത്തില് വെച്ച് പിടികൂടിയത്. 150 ഗ്രാം എം.ഡി.എം.എയും ഒന്നര കിലോ കഞ്ചാവും 90,000 രൂപയും ഒരു കത്തിയും ഇവരില് നിന്ന് പോലീസ് പിടികൂടി. ചാവക്കാട് ഇന്സ്പെക്ടര് കെ.എസ് സെല്വരാജ്, ഗുരുവായൂര് കണ്ടാണശേരി എസ്.ഐ ജയപ്രദീപ് എന്നിവരുടെ നേതൃത്വത്തില് സി.പി.ഒ മാരായ അനസ്, രഞ്ജിത്ത് ലാല്, അനു വിജയന് എന്നിവരാണ് സംഘത്തെ പിടികൂടിയത്.
