കൊച്ചി: ഗൂഢാലോചനാ കേസില് ദിലീപ് ഉള്പ്പെടെയുള്ള പ്രതികളുടെ ഫോണ് അണ്ലോക്ക് ചെയ്യാന് പ്രതികളോ അഭിഭാഷകരോ ഹാജരാകണമെന്ന് കോടതി. ഇന്ന് 5 മണിക്കുള്ളില് ഹാജരാകാനാണ് ആലുവ മജിസ്ട്രേറ്റ് കോടതി നിര്ദേശം നല്കിയിട്ടുള്ളത്. ഇതനുസരിച്ച് ദിലീപിന്റെ അഭിഭാഷകനെത്തി പ്രതികളുടെ ഫോണ് പാസ് വേഡിന്റെ പാറ്റേണ് കോടതിക്ക് കൈമാറി. ദിലീപടക്കമുള്ള പ്രതികളുടെ ഫോണുകള് തിരുവനന്തപുരം ഫോറെന്സിക് ലാബില് പരിശോധിക്കണമെന്നാണ് ക്രൈംബ്രാഞ്ച് ആവശ്യപ്പെട്ടിരുന്നു. ഇക്കാര്യത്തിലും ഇന്ന് തീരുമാനമാകും. ഇക്കാര്യം ആവശ്യപ്പെട്ട് ആലുവ മജിസ്ട്രേറ്റ് കോടതിയില് അപേക്ഷ നല്കി. കോടതി അനുമതി ലഭിച്ചാല് ദിലീപിന്റെ ശബ്ദ പരിശോധന നടത്താനും ക്രൈംബ്രാഞ്ച് തീരുമാനിച്ചു.
