പത്തനംതിട്ട : പത്തനംതിട്ട സെന്റ് പീറ്റെഴ്സ് ജംഗ്ഷനില് വ്യാപാര സ്ഥാപനങ്ങള്ക്ക് സമീപം തീപിടുത്തം. ജെ.മാര്ട്ട് സൂപ്പര് മാര്ക്കറ്റിന് എതിര് വശത്തായി കൂട്ടിയിട്ടിരുന്ന മാലിന്യങ്ങള്ക്കും ഉണക്ക പുല്ലുകള്ക്കും ആണ് തീ പിടിച്ചത്. ഉച്ചയോടെ ആയിരുന്നു സംഭവം. പത്തനംതിട്ടയില് നിന്നും അഗ്നി രക്ഷാ സേനയെത്തി തീ അണച്ചു. നാശനഷ്ടങ്ങള് ഒന്നുമില്ല. നഗരത്തില് പലയിടത്തായി കൂട്ടിയിട്ടിരിക്കുന്ന മാലിന്യങ്ങള്ക്ക് തീ പിടിക്കുന്ന സംഭവങ്ങള് മുന്പും ഉണ്ടായിട്ടുണ്ട്.
പല വ്യാപാര സ്ഥാപനങ്ങള്ക്ക് സമീപവും മാലിന്യങ്ങള് അലക്ഷ്യമായി വലിച്ചെറിയുന്നതും കൃത്യമായ മാലിന്യ സംസ്കരണ സംവിധാനങ്ങള് ഇല്ലാത്തതും ഇത്തരം തീ പിടുത്തങ്ങള്ക്ക് കാരണമായി മാറുന്നുണ്ട്. ഉണങ്ങിയ പുല്ലുകള്ക്ക് തീ പിടിക്കുന്ന സംഭവങ്ങള് ആണ് ഏറ്റവും കൂടുതല് ഉണ്ടാകുന്നത്. ഇത്തരത്തില് ഉണ്ടാകുന്ന തീ പിടുത്തം വളരെ വേഗത്തില് കെടുത്തുവാന് സാധിച്ചില്ല എങ്കില് കൂടുതല് സ്ഥലങ്ങളിലേക്ക് തീ പടര്ന്നു പിടിക്കുന്നതിനും കാരണമായി തീരും.
