പത്തനംതിട്ട : പൊതുപണിമുടക്കിന് ഐക്യദാർഢ്യം പ്രഖ്യാപിച്ചു കൊണ്ട് കേന്ദ്ര പെൻഷൻകാർ പത്തനംതിട്ട നഗരത്തിൽ പ്രകടനം നടത്തി. ഫോറം ഓഫ് സിവിൽ പെൻഷനേഴ്സ് അസ്സോസിയേഷൻസ് പത്തനംതിട്ട ജില്ലാകമ്മിറ്റിയുടെ നേതൃത്വത്തിലായിരുന്നു പെൻഷൻകാർ പ്രകടനം നടത്തിയത്. ഹെഡ് പോസ്റ്റ് ഓഫീസിനു മുമ്പില് നിന്നും ആരംഭിച്ച പ്രകടനം മോസ്ക് ജംഗ്ഷൻ ചുറ്റി സെൻട്രൽ ജംഗ്ഷൻ വഴി വൈ.എം.സി.എ ക്ക് മുമ്പില് സമാപിച്ചു. തുടര്ന്ന് നടത്തിയ ഐക്യദാർഢ്യ കൺവൻഷന് എഫ്.സി.പി.എ കേരളയുടെ ജോയിന്റ് കൺവീനർ എൻ ഗുരുപ്രസാദ് ഉദ്ഘാടനം ചെയ്തു. ചെയർമാൻ എസ് ശ്രീധരൻ നായര് അദ്ധ്യക്ഷത വഹിച്ചു.
തൊഴിലാളിവിരുദ്ധ ലേബർ കോഡുകൾ പിൻവലിക്കുക, തൊഴിലുറപ്പു നിഷേധ നിയമം പിൻവലിക്കുക, പെൻഷൻ റീവാലിഡേഷൻ എന്ന കരിനിയമം പിൻവലിക്കുക, എട്ടാം ശമ്പളക്കമ്മീഷൻ പരിഗണനാവിഷയങ്ങളിൽ മാറ്റം വരുത്തുക തുടങ്ങിയ ആവശ്യങ്ങൾക്കുവേണ്ടിയുള്ള പോരാട്ടത്തിന് പൂര്ണ്ണപിന്തുണ നല്കുന്നതായും നേതാക്കള് പറഞ്ഞു. കൺവീനർ എം.ജി.എസ് കുറുപ്പ്, എസ് സുമതി, പി രാജീവ്, പി സദാനന്ദന്, കെ.എസ്.അജികുമാർ, അഡ്വ.ജേക്കബ് മാത്യു, എൻ ഉണ്ണിക്കൃഷ്ണൻ, പി.എം.ജി മേനോൻ, ഗോപിദാസ്, കെ.കെ ജഗദമ്മ, കെ.പി രവി തുടങ്ങിയവർ സംസാരിച്ചു.
