കൊച്ചി : കൊറിയര് സ്ഥാപനത്തില് എക്സൈസ് സംഘം നടത്തിയ റെയ്ഡില് മാരക മയക്കു മരുന്നായ എംഡിഎംഎ കണ്ടെടുത്തു. എറണാകുളം എക്സൈസ് സര്ക്കിള് ഇന്സ്പെക്ടര് അന്വര് സാദത്ത് പി യും പാര്ട്ടിയും ചേരാനല്ലൂര് ഡിറ്റിഡിസി കൊറിയര് സര്വ്വീസ് സ്ഥാപനത്തില് നടത്തിയ പരിശോധനയിലാണ് പായ്ക്കറ്റില് വന്ന 2.175 ഗ്രാം എംഡിഎംഎ ഗുളികകള് കണ്ടെത്തിയത്.
എന്ഡിപിഎസ് ആക്ട് പ്രകാരം കൊറിയര് അയച്ച കോഴിക്കോട് സ്വദേശി ഫൈസി നജീമിനെ ഒന്നാം പ്രതിയാക്കി കേസെടുത്തു. മഹാരാഷ്ട്ര പൂണെ സ്വദേശി ദീപല് വിവേകിന്റെ പേരിലാണ് പായ്ക്കറ്റ് അയച്ചിട്ടുള്ളത്. ഇയാള് കേസിലെ രണ്ടാം പ്രതിയാണ്. പ്രതികളെ അറസ്റ്റ് ചെയ്തിട്ടില്ല. കൊറിയര് സര്വീസ് വഴി വന് തോതില് ലഹരി കടത്തുന്നതായി ശ്രദ്ധയില് പെട്ടിട്ടുണ്ടെന്നും തുടര്പരിശോധനകള് ഉണ്ടാകുമെന്നും എക്സൈസ് അധികൃതര് അറിയിച്ചു.
