കുമ്പഴ : മത്സ്യ മാർക്കറ്റിന് സമീപം തുണ്ടു മൺകര റോഡിൽ നിക്ഷേപിക്കാൻ കൊണ്ടുവന്ന ഹോട്ടൽ മാലിന്യങ്ങൾ അടങ്ങിയ വാഹനം നാട്ടുകാർ തടഞ്ഞു. രാത്രിയുടെ മറവിലായിരുന്നു ഇത്തരം പ്രവർത്തി നടന്നത്. kl 03 x 6324 എന്ന വാഹനമാണ് നാട്ടുകാർ പികൂടിയത്.
പരിസരവാസികൾ വിവരം അറിയിച്ചതിനെ തുടർന്ന് വാർഡ് കൗൺസിലറായ വിമലശിവൻ, സമീപ വാർഡ് കൗൺസിലർ ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ അംബിക വേണുവും, നഗരസഭ ആരോഗ്യകാര്യസമിതി അധ്യക്ഷൻ ജെറി അലക്സും, പോലീസും സ്ഥലത്തെത്തി.
തുടർന്ന് ദുർഗന്ധം വമിക്കുന്ന അവസ്ഥയിലുള്ള മാലിന്യം വാഹനത്തിൽ ഉള്ളതിനാൽ വാഹനം നഗരസഭാ കോമ്പൗണ്ടിൽ പാർക്ക് ചെയ്യുകയും വാഹനത്തിന്റെ താക്കോൽ പോലീസ് കസ്റ്റഡിയിൽ എടുക്കുകയും ചെയ്തു
