മലപ്പുറം : തേഞ്ഞിപ്പലത്ത് ഡി വൈ എഫ് ഐ നേതാവിന് പോലീസ് മർദ്ദനം. പള്ളിക്കൽ മേഖല സെക്രട്ടറി അനിലാലിനാണ് മർദ്ദനമേറ്റത്. മിശ്ര വിവാഹം സംബന്ധിച്ച് പരാതി നൽകാനെത്തിയ ആൾക്കൊപ്പമാണ് അനിലാൽ പോലീസ് സ്റ്റേഷനിലെത്തിയത്. വാക്കുതർക്കത്തിനിടെ എസ് എച്ച് ഒ ഷൈജുവാണ് അനിലാലിനെ ക്രൂരമായി മർദ്ദിച്ചതെന്ന് ഡി വൈ എഫ് ഐ ആരോപിക്കുന്നു. അനിലാൽ എസ് എച്ച് ഒ അടക്കമുള്ള പോലീസ് ഉദ്യോഗസ്ഥരെ കൈയ്യേറ്റം ചെയ്തെന്നാണ് പോലീസിനറെ ആരോപണം.
