പാലക്കാട്: കഞ്ചിക്കോട് ഡിവൈഎഫ്ഐ പ്രവര്ത്തകനെ വെട്ടിക്കൊലപ്പെടുത്താന്ശ്രമം. കഞ്ചിക്കോട് ഉമ്മിണികളം സ്വദേശി പ്രസാദിനാണ് വെട്ടേറ്റത്. കഞ്ചിക്കോട് നരസിംഹപുരം പുഴയ്ക്ക് സമീപം മീന് പിടിയ്ക്കുകയായിരുന്ന പ്രസാദിനും സുഹൃത്തുക്കള്ക്കും നേരെ ആറംഗ സംഘം അക്രമം നടത്തുകയായിരുന്നു.
പ്രസാദിന് അരയ്ക്കു താഴെയാണ് വെട്ടേറ്റത്. മറ്റുള്ളവര് ഓടി രക്ഷപെട്ടു. ഗുരുതരമായി പരിക്കേറ്റ പ്രസാദിനെ തൃശൂരിലെ സ്വകാര്യ ആശുപത്രിയില് പ്രവേശിപ്പിച്ചു. പ്രസാദ് ചുമട്ട് തൊഴിലാളിയാണ്. സംഭവത്തിന് പിന്നില് ബിജെപി- ആര്എസ്എസ് ആണെന്ന് സി പി എം ആരോപിച്ചു.
കോവിഡ് കാലത്തും കഞ്ചിക്കോട് സംഘര്ഷമുണ്ടാക്കാനാണ് ആര് എസ് എസ് ശ്രമിയ്ക്കുന്നതെന്നും സി പി എം പുതുശ്ശേരി ഏരിയാ സെക്രട്ടറി സുഭാഷ് ചന്ദ്രബോസ് പറഞ്ഞു. കസബ പോലീസ് കേസെടുത്തു. രാഷ്ട്രീയ സംഘര്ഷം കണക്കിലെടുത്ത് ഈ മേഖലയില് പട്രോളിംഗ് ശക്തമാക്കുമെന്ന് പോലീസ് അറിയിച്ചു. എന്നാല് അക്രമവുമായി ബന്ധമില്ലെന്ന് ബിജെപി ജില്ലാ പ്രസിഡണ്ട് ഇ.കൃഷ്ണദാസ് വ്യക്തമാക്കി.
