തിരുവനന്തപുരം : ലോക്ഡൗണില് അത്യാവശ്യ യാത്രകള്ക്കായുള്ള ഇ പാസിന് ഇനിമുതല് കേരള പോലീസിന്റെ ഔദ്യോഗിക മൊബൈല് ആപ്ലിക്കേഷനായ പോല്-ആപ് മുഖേനയും അപേക്ഷിക്കാം. ആപ് സ്റ്റോറില് നിന്നോ പ്ലേ സ്റ്റോറില് നിന്നോ പോല് ആപ് ഡൗണ്ലോഡ് ചെയ്യാനാകും.
ഡൗണ്ലോഡ് ചെയ്തതിനു ശേഷം ഹോം സ്ക്രീനില് പോല്-പാസ് എന്ന ഓപ്ഷന് തെരഞ്ഞെടുത്ത് വിവരങ്ങള് നല്കി രജിസ്റ്റര് ചെയ്യാം. പാസ് അനുവദിച്ചാല് രജിസ്റ്റര് ചെയ്ത മൊബൈല് നമ്പറില് ലിങ്ക് ലഭിക്കും. ഈ ലിങ്കില് ക്ലിക്ക് ചെയ്താല് ക്യൂആര് കോഡോട് കൂടിയ പാസ് ലഭിക്കും. പാസിന്റെ അനുമതി, നിരസിക്കല് എന്നിവയെപ്പറ്റി എസ്എംഎസിലൂടെയും സ്ക്രീനിലെ ചെക് സ്റ്റാറ്റസ് ബട്ടണിലുടെയും അറിയാന് കഴിയും. അവശ്യ സേവന സ്ഥാപനങ്ങളില് ജോലി ചെയ്യുന്നവര്ക്ക് യാത്ര ചെയ്യാന് സ്ഥാപനങ്ങളിലെ തിരിച്ചറിയല് കാര്ഡ് മതിയാകും.