തിരുവനന്തപുരം : സംസ്ഥാന സര്ക്കാരിന്റെ സ്വപ്ന പദ്ധതിയായ കെ റെയിലിനെതിരായ നിലപാട് ആവര്‍ത്തിച്ച്‌ മെട്രോമാന്‍ ഇ ശ്രീധരന്‍ രംഗത്ത്. വകതിരുവുള്ള ആരും കെ റെയിലിന് വായ്പ കൊടുക്കില്ല. നിലവിലെ DPR പ്രകാരം കെ റെയിലിന് റെയില്‍വേയുടെ അനുമതി ലഭിക്കില്ല. പുതിയ DPR ന് 3 വര്‍ഷം വേണ്ടിവരും. കേരളത്തിലെ നിലവിലെ ട്രാക്കില്‍ ഹൈ സ്പീഡ് ട്രെയിന്‍ സാധ്യമല്ല. ഹൈസ്പീഡ് റെയില്‍ സര്‍വീസില്‍ റെയില്‍വേ ലൈന്‍ ക്രോസ് ചെയ്യാന്‍ അനുവദിക്കാനാകില്ല. ഹൈ സ്പീഡ് ട്രെയിന്‍ നിലത്തു കൂടി ഓടുന്ന രീതി മറ്റെങ്ങുമില്ലന്നും ഇ ശ്രീധരന്‍ പറഞ്ഞു.
