ജക്കാര്ത്ത : ഇന്ഡൊനീഷ്യയില് വന് ഭൂചലനം. റിക്ടര് സ്കെയിലില് 7.3 രേഖപ്പെടുത്തിയ ചലനത്തെത്തുടര്ന്ന് സുനാമി മുന്നറിയിപ്പ് നല്കിയിട്ടുണ്ട്. പ്രാദേശക സമയം പുലര്ച്ചെ മൂന്നുമണിയോടെയായിരുന്നു ചലനം അനുഭവപ്പെട്ടത്. മൗമെരേ പട്ടണത്തിന് 100 കിലോമീറ്റര് വടക്ക് ഫ്ളോറസ് കടലില് 18.5 കിലോമീറ്റര് ആഴത്തിലാണ് ഭൂചലനത്തിന്റെ പ്രഭവ കേന്ദ്രമെന്ന് യു.എസ് ജിയോളജിക്കല് സര്വേ അറിയിച്ചു. ആളപായമോ മറ്റ് നാശനഷ്ടങ്ങളോ ഇതുവരെ റിപ്പോര്ട്ട് ചെയ്തിട്ടില്ല. 1000 കിലോമീറ്റര് ദൂരം വരെ ശക്തമായ തിരമാലകള്ക്ക് സാധ്യതയുണ്ടെന്ന് പസഫിക് സുനാമി മുന്നറിയിപ്പ് കേന്ദ്രം അറിയിച്ചിട്ടുണ്ട്.
