ഇരവിപേരൂർ : തിരുവല്ല ഈസ്റ്റ് കോ ഓപ്പറേറ്റിവ് ബാങ്കിന്റെ ഭരണ സമിതി തിരഞ്ഞെടുപ്പ് കഴിഞ്ഞു വോട്ടെണ്ണല്, പൂര്ത്തിയാകുന്നു. സ്ഥാനത്തെ ഏറ്റവും വലിയ അർബൻ സഹകരണ ബാങ്കുകളിൽ ഒന്നായ തിരുവല്ല ഈസ്റ്റ് കോ ഓപ്പറേറ്റിവ് ബാങ്കിന്റെ ഭരണ സമിതി തിരഞ്ഞെടുപ്പ് ഇന്നു രാവിലെ 8 മുതൽ 4 വരെ ഇരവിപേരൂർ സെന്റ് ജോൺസ് ഹയർ സെക്കന്ററി സ്കൂളിൽ നടന്നു.
13 ഭരണ സമിതി അംഗങ്ങളെയാണ് തിരഞ്ഞെടുക്കുക. ജനറൽ വിഭാഗം -6,വനിത -3, പ്രഫഷണൽ-2, നിക്ഷേപം -1, പട്ടിക ജാതി സംവരണം -1 എന്നീ മണ്ഡലങ്ങളിലേക്കാണ് തിരഞ്ഞെടുപ്പ്. യുഡിഎഫ്, എൽഡിഎഫ്, ബിജെപി മുന്നണികളുടെ സ്ഥാനാർഥികൾ ഉൾപ്പെടെ 38 പേർ മത്സര രംഗത്തുണ്ട്.
നിലവിൽ 58440 അംഗങ്ങളാണുള്ളത്. തിരഞ്ഞെടുപ്പിനായി ഹൈക്കോടതി നിരീക്ഷകനെ നിയമിച്ചിട്ടുണ്ടായിരുന്നു. ജില്ലാ പോലീസ് മേധാവിക്കാണ് മേൽനോട്ടച്ചുമതല നൽകിയത്. വോട്ട് ചെയ്യാനെത്തുന്നവർക്ക് ബാങ്കിന്റെ തിരിച്ചറിയൽ കാർഡ് കൂടി ആവശ്യമായിരുന്നു. ഇപ്പോള് വോട്ടെണ്ണല് പൂര്ത്തിയായിക്കൊണ്ടിരിക്കുന്നു.
