കോട്ടയം : ഇടനാട് സ്‌കൂളിന്റെ വികസനത്തിനായി താൻ പ്രതിജ്ഞാ ബദ്ധനാണെന്നും അതിനായി എസ്റ്റിമേറ്റ് എടുത്തു തരുന്ന മുറയ്ക്ക് എം എൽ എ ഫണ്ട് അനുവദിക്കുമെന്നും മാണി സി കാപ്പൻ എം എൽ എ. ഇടനാട് ഗവർമെന്റ് എൽ പി സ്‌കൂളിലെ പുതിയ പാചക പുരയുടെ ഉദ്‌ഘാടനം നിർവഹിക്കവെ മാതാപിതാക്കളുടെയും വിദ്യാർത്ഥികളുടെയും നിറഞ്ഞ കൈയ്യടികളേറ്റു വാങ്ങിയാണ് മാണി സി കാപ്പൻ ഇങ്ങനെ അഭിപ്രായപ്പെട്ടത്. എസ് എസ് എൽ സി ,പ്ലസ്‌ടു പരീക്ഷകളിൽ ഉന്നത വിജയം നേടിയ വിദ്യാർത്ഥികളെ ആദരിക്കുകയും ചെയ്തു.
ബ്ലോക്ക് മെമ്പർ ഷീലാ ബാബു അദ്ധ്യക്ഷത വഹിച്ച യോഗത്തിൽ ളാലം ബ്ലോക്ക് പ്രസിഡൻറ് റാണി ജോസ് മുഖ്യ പ്രഭാഷണം നിർവഹിച്ചു. കരൂർ ഗ്രാമപഞ്ചായത്ത് പ്രസിഡൻ്റ് മഞ്ജു ബിജു ,വാർഡ് മെമ്പർ അനസൃ രാമൻ ,പഞ്ചായത്ത് മെമ്പർ പ്രിൻസ് അഗസ്ത്യൻ ,പഞ്ചായത്ത് മെംബർ പ്രേമ കൃഷ്ണ സ്വാമി ,ഗിരിജാ ജയൻ (പഞ്ചായത്ത് മെമ്പർ) ,മായാ സലിം (പി ടി എ പ്രസിഡൻ്റ്) ഹെഡ്മിസ്ട്രസ് അജിതാ മോൾ എം.കെ സ്വാഗതവും ,മധുസൂദനൻ നായർ കൃതജ്ഞതയും അർപ്പിച്ചു.
