കോന്നി : എലിമുള്ളുംപ്ലാക്കൽ ഏകതാ ചാരിറ്റബിൾ കൂട്ടായ്മയുടെ നേതൃത്വത്തിൽ ഓണാഘോഷം സംഘടിപ്പിച്ചു. എലിമുള്ളുംപ്ലാക്കൽ പി വി വിശ്വന്റെ വസതിയിൽ സംഘടിപ്പിച്ച പരിപാടി മുൻ ഗ്രാമ പഞ്ചായത്ത് അംഗം പി പി തങ്കപ്പൻ ഉദ്ഘാടനം ചെയ്തു. ഓണാഘോഷങ്ങളുടെ ഭാഗമായി നിർധനരായ കുടുംബങ്ങൾക്കുള്ള ചികിത്സ ധന സഹായ വിതരണം, ഓണ പുടവ വിതരണം, ഓണ സദ്യ എന്നിവയും നടന്നു. സി കെ ലാൽ കുമാർ, പി വി വിശ്വൻ, പി എസ് മത്തായി, പി പി സദാനന്ദൻ, തോമസ് പി ജോർജ്ജ്, ബെന്നി തുടങ്ങിയവർ നേതൃത്വം നൽകി. മുപ്പതോളം കുടുംബങ്ങൾ പരിപാടിയിൽ പങ്കെടുത്തു.
