കോന്നി : ചോർന്നൊലിൽക്കുന്ന കെട്ടിടത്തിൽ പരാധീനതകള്‍ക്ക് നടുവില്‍ ഇളകൊള്ളൂർ പോസ്റ്റോഫീസ്. അറ്റകൂറ്റപണികൾ ചെയ്യാതെ ഏതുനിമിഷവും തകര്‍ന്നുവീഴാവുന്ന കെട്ടിടത്തിലാണ് കേന്ദ്ര സര്‍ക്കാരിന്റെ ഈ ജനകീയ സ്ഥാപനം പ്രവര്‍ത്തിക്കുന്നത്. സൗകര്യപ്രദമായ കെട്ടിടത്തിലേക്ക് പോസ്റ്റ് ഓഫീസ് മാറ്റി സ്ഥാപിക്കണമെന്ന് പ്രദേശവാസികള്‍ നിരന്തരമായി ആവശ്യപ്പെടുകയാണ്. എന്നാല്‍ ജനപ്രതിനിധികള്‍ പോലും ഇക്കാര്യത്തില്‍ വേണ്ടത്ര താല്‍പ്പര്യം കാണിക്കുന്നില്ലെന്ന് നാട്ടുകാര്‍ പരാതിപ്പെടുന്നു.
പോസ്റ്റ് മാസ്റ്റർ ഉൾപ്പെടെ നാലോളം ജീവനക്കാരാണ് ഇവിടെ ഉള്ളത്. യാതൊരുവിധ അടിസ്ഥാന സൌകര്യങ്ങളും ഇല്ലാത്ത ഈ കെട്ടിടത്തില്‍ ഏറെ ബുദ്ധിമുട്ടിയാണ് ഇവര്‍ ജോലിചെയ്യുന്നത്. അധികൃതരുടെയും ജനപ്രതിനിധികളുടെയും അടിയന്തിര ശ്രദ്ധ ഇക്കാര്യത്തില്‍ ഉണ്ടാകണമെന്നും ഇളകൊള്ളൂര്‍ നിവാസികള്‍ ആവശ്യപ്പെട്ടു.
