ഇലന്തൂര്: നരബലിക്കേസിലെ പ്രതികളുമായി അന്വേഷണസംഘം ഇലന്തൂരിലെത്തി തെളിവെടുപ്പ് നടത്തുന്നു. കൂടുതല് പേര് നരബലിക്ക് ഇരയായോ എന്ന് പരിശോധിക്കാനാണ് പരിശോധന. മൃതദേഹം കണ്ടെത്തുന്നതിൽ പരിശീലനം നേടിയ പോലീസ് ഡോഗ് സ്ക്വാഡിലെ മായ, മര്ഫി നായകളും സ്ഥലത്തുണ്ട്. പ്രദേശത്തിന്റെ വിവിധയിടങ്ങളില് നായ മണം പിടിച്ചു.
നായ നിന്ന തിരുമ്മല് കേന്ദ്രത്തിന്റെ വടക്കുവശത്തെ സ്ഥലം കുഴിച്ച് പരിശോധിക്കുന്നു. കുഴിയെടുക്കുന്ന സ്ഥലത്ത് മുഖ്യപ്രതി ഷാഫിയെയും ഭഗവല് സിങ്ങിനെയും എത്തിച്ചു. ഭഗവല് സിങ്ങിന്റെ വീടിനുള്ളില് ഫൊറന്സിക് പരിശോധന പുരോഗമിക്കുന്നു. തെളിവെടുപ്പ് കാണാൻ വന്ജനക്കൂട്ടമാണ് ഇലന്തൂരിലെത്തിയത്. പ്രതികൾക്കു നേരെ ബിജെപി പ്രവർത്തകർ മുദ്രാവാക്യം വിളിച്ച് പ്രതിഷേധിച്ചു. വിപുലമായ പോലീസ് സന്നാഹം ഏർപ്പെടുത്തിയിട്ടുണ്ട്.
