ഇലന്തൂര് : ഇരട്ട നരബലിക്കേസിലെ മുഖ്യപ്രതി മുഹമ്മദ് ഷാഫി കുട്ടികളെയും വലയിലാക്കിയെന്ന് കണ്ടെത്തല്. വിദ്യാര്ഥി, വിദ്യാര്ഥിനികളെ കേസിലെ പ്രതികളായ ദമ്പതികളുടെ വീട്ടിലെത്തിച്ച് ദുരുപയോഗം ചെയ്തു. ഷാഫിക്ക് കാര് വാങ്ങി നല്കിയതും കൂട്ടുപ്രതിയായ ഭഗവല്സിങ്ങാണ്. ഈ കാറിലാണ് ഇരകളായ സ്ത്രീകളെ ഷാഫി ഇലന്തൂരിലെത്തിച്ചത്.
ഷാഫി 16ാം വയസുമുതല് കുറ്റകൃത്യങ്ങളിലേര്പ്പെട്ടു എന്നതിന്റെ സൂചനകളും പോലീസിന് ലഭിച്ചു. 2006ല് മാത്രമാണ് ഷാഫിക്കെതിരെ ഒരു കേസ് രജിസ്റ്റര് ചെയ്യുന്നത്. നരബലിക്കേസിന് മുമ്പ് ഷാഫിക്കെതിരെ എടുത്തത് ഒരു ബലാല്സംഗക്കേസ് ഉള്പ്പെടെ എട്ടെണ്ണം മാത്രമാണ്. ബാക്കി കുറ്റകൃത്യങ്ങള് കണ്ടെത്തി തെളിവുശേഖരിക്കാനുള്ള ശ്രമം അന്വേഷണസംഘം തുടങ്ങി.
