ഇലവുംതിട്ട : രൂക്ഷമായ മഴക്കെടുതിയിലും സഹായഹസ്തവുമായി ഇലവുംതിട്ട ജനമൈത്രി പോലീസ്. കോവിഡ് പോസിറ്റീവായി ക്വാറണ്ടയ്നിൽ കഴിയുന്നവർക്കും മഴക്കെടുതി അനുഭവിക്കുന്നവർക്കുമാണ് സഹായമേകിയത്. ഇലവുംതിട്ട സ്റ്റേഷൻ പരിധിയിലെ മെഴുവേലി, ചെന്നീർക്കര, കുളനട പഞ്ചായത്തുകളിലെ പ്രശ്നബാധിത പ്രദേശങ്ങൾ കേന്ദ്രീകരിച്ചാണ് ജനമൈത്രി ബീറ്റ് ഓഫീസർ എസ് അൻവർഷായുടെ നേതൃത്വത്തിൽ കാരുണ്യ പ്രവർത്തനങ്ങൾ നടത്തിയത്. വാർഡ് മെമ്പർമാരായ മംഗൾസിംഗ്, രാജേഷ്, ജനമൈത്രി പോലീസ് വളണ്ടിയർമാരായ അജോ അച്ചൻകുഞ്ഞ്, അഖിൽ, സ്മിതാ നായർ, രജിത, ആതിര ഷാജി, രെഞ്ചു എന്നിവർ നേതൃത്വം നല്കി.
