ഇലവുംതിട്ട : സ്കൂൾ കുട്ടികൾക്ക് നിരോധിത പുകയില ഉത്പന്നങ്ങള്‍ വില്പന നടത്തിയിരുന്നയാളെ ഇലവുംതിട്ട എസ് ഐ ടി.പി ശശികുമാറിന്റെ നേതൃത്വത്തിൽ പോലീസ് അറസ്റ്റ് ചെയ്തു. പ്രധാനമായും ഹാൻസ് ആയിരുന്നു ഇയാള്‍ വില്പന നടത്തിയിരുന്നത്. ഉള്ളന്നൂർ ആലുമ്പാട്ട് തെക്കേതിൽ സദാശിവനാണ് പോലീസ് പിടിയിലായത്.
ഇലവുംതിട്ട പോലീസ് സ്കൂൾ സുരക്ഷയുമായി ബന്ധപ്പെട്ട് നടത്തി വരുന്ന വഴികാട്ടി പദ്ധതിയുടെ ഭാഗമായി സ്റ്റേഷൻ പരിധിയിലെ വിവിധ സ്കൂളുകളിലെ വിദ്യാർത്ഥികളെ നിരീക്ഷിച്ചു വന്നതിലൂടെയാണ് പ്രതിയെ പിടികൂടാൻ കഴിഞ്ഞത്. റെയ്ഡിന് എഎസ്ഐ ബിനോജ്, പോലീസുദ്യോഗസ്ഥരായ സജു കെ.എസ്, എസ് അൻവർഷ, സുധീഷ് ഉപേന്ദ്രൻ എന്നിവർ നേതൃത്വം നല്കി.
