പത്തനംതിട്ട : ഇലവുംതിട്ട ജനമൈത്രി പോലീസിന്റെ നേതൃത്വത്തിൽ “വയറെരിയാതിരിക്കാൻ കൈകോർക്കാം” പദ്ധതി എസ്.എച്ച്.ഓ ടി.കെ വിനോദ് കൃഷ്ണൻ ഉദ്ഘാടനം ചെയ്തു. പദ്ധതി പ്രകാരം ആലക്കോട് ഹരിജൻ കോളനിയിലെ മുപ്പത് കുടുംബങ്ങൾക്ക് പച്ചക്കറി കിറ്റ് വിതരണം ചെയ്തു. ജനമൈത്രി ബീറ്റ് ഓഫീസർമാരായ എസ് അൻവർഷ, അർ പ്രശാന്ത്, എസ്.ഐ ട്രയിനി വിനീത്, പോലീസ് ട്രെയ്നിമാരായ നിധിൻ സദാനന്ദ്, നന്ദു മുരളീധരൻ, ജനമൈത്രി സമിതിയംഗം ബിനു പല്ലവി എന്നിവർ പരിപാടികള്ക്ക് നേതൃത്വം നല്കി.
