റാന്നി : കാറും ഇരുചക്ര വാഹനവും കൂട്ടിയിടിച്ച് വയോധികന് ദാരുണാന്ത്യം. അങ്ങാടി പുളിമുക്ക് വടക്കേമുറിയില് വി.പി സോമശേഖരൻ നായർ (68) ആണ് മരിച്ചത്. ഇന്ന് രണ്ടുമണിയോടെ പുനലൂര് – മൂവാറ്റുപുഴ സംസ്ഥാന പാതയില് ഇട്ടിയപ്പാറ വലിയപറമ്പുപടിക്ക് സമീപമായിരുന്നു സംഭവം. ഇദേഹത്തെ ഉടന് തന്നെ ആശുപത്രിയില് എത്തിച്ചെങ്കിലും രക്ഷപെടുത്താന് ആയില്ല. ഇട്ടിയപ്പാറ ഭാഗത്ത് നിന്നും വന്ന കാറിലേക്ക് സോമശേഖരന് നായര് സഞ്ചരിച്ച ഇരുചക്ര വാഹനം ഇടിച്ചു കയറുകയായിരുന്നു. ഇരുചക്ര വാഹനം തെറ്റായ ദിശയിലെത്തിയാണ് അപകടം സംഭവിച്ചതെന്ന് ദൃക്സാക്ഷികള് പറഞ്ഞു.
പിന്നാലെ എത്തിയ മറ്റു വാഹനങ്ങള് ഏതെങ്കിലും ഇരുചക്ര വാഹനത്തില് ഇടിച്ച് നിയന്ത്രണം നഷ്ടപ്പെട്ടതാണോയെന്ന സംശയവും ഉയര്ന്നിട്ടുണ്ട്. അപകടം നടന്ന സ്ഥലം നേരായ ദിശയിലുള്ള റോഡാണ്. സംഭവത്തിന്റെ സിസിടിവി ദൃശ്യങ്ങള് ശേഖരിക്കാനുള്ള ശ്രമത്തിലാണ് പോലീസ്. സോമശേഖരന് നായര് റാന്നിയില് ഷാലിമാര് സൗണ്ട്സ് എന്ന സ്ഥാപനം നടത്തിവരികയാണ്.
