കലഞ്ഞൂർ : കലഞ്ഞൂര് ഗ്രാമ പഞ്ചായത്തിന്റെ 2026-27 വാർഷിക ബഡ്ജറ്റ് ഗ്രാമപഞ്ചായത്ത് കോൺഫറൻസ് ഹാളിൽ ഗ്രാമ പഞ്ചായത്ത് വൈസ് പ്രസിഡണ്ടും ധനകാര്യ സ്റ്റാന്റിഗ് കമ്മിറ്റി ചെയർമാനുമായ ബോബി റോയി അവതരിപ്പിച്ചു. ഗ്രാമ പഞ്ചായത്ത് പ്രസിഡന്റ് എസ്.രാജേഷ് അധ്യക്ഷത വഹിച്ചു. കാർഷിക മേഖല, അടിസ്ഥാന സൗകര്യ വികസനം, ശുചിത്വം, ടൂറിസം മേഖലകൾക്ക് ഉണർവ് നൽകുന്ന ബഡ്ജറ്റാണ് അവതരിപ്പിച്ചത്. അതിരുങ്കൽ മാർക്കറ്റ് ഷോപ്പിംഗ് കോംപ്ലസിന് 1 കോടി രൂപയും, കുടപ്പാറ ടൂറിസം പദ്ധതിക്ക് 25 ലക്ഷം രൂപ, തരിശു ഭൂമി കൃഷിയോഗ്യമാക്കുന്നതിന് 5 ലക്ഷം രൂപയും വാർഷിക ബഡ്ജറ്റിൽ വകയിരുത്തിയിട്ടുണ്ട്.
ആകെ 467134114 രൂപ വരവ് പ്രതീഷിക്കുന്ന ബഡ്ജറ്റിൽ 433692000 ചിലവ് പ്രതീക്ഷിക്കുന്നു. നിക്കി ബാക്കിയായി 24035624 രൂപയും വരുന്ന ബഡ്ജറ്റാണ് അവതരിപ്പിച്ചത്. ഗ്രാമ പഞ്ചായത്ത് സെക്രട്ടറി സുരേഷ്ബാബു, സ്റ്റാന്റിഗ് കമ്മിറ്റി ചെയർമാൻമാരായ സജീവ് റാവുത്തർ, ജയകുമാർ, പ്രസന്നകുമാരി, ഗ്രാമ പഞ്ചായത്ത് അംഗങ്ങൾ, നിർവ്വഹണ ഉദ്യോഗസ്ഥർ, ജീവനക്കാർ എന്നിവർ പങ്കെടുത്തു.
