മാള്ഡ: ചോക്ലേറ്റ് നല്കി പ്രലോഭിപ്പിച്ച് നാലു വസുകാരിയെ പീഡിപ്പിച്ച 81 കാരന് അറസ്റ്റില്. പശ്ചിമ ബംഗാളിലെ മാള്ഡ ജില്ലയിലാണ് സംഭവം. നാല് വയസുകാരിയെ ലൈംഗികമായി പീഡിപ്പിച്ച കേസില് ബങ്കിം ചന്ദ്ര റോയ് എന്ന പ്രതിയെ അറസ്റ്റ് ചെയതു. പെണ്കുട്ടിയെ അടുത്തുള്ള ആളൊഴിഞ്ഞ സ്ഥലത്തേക്ക് കൊണ്ടുപോയാണ് റോയ് ലൈംഗികമായി പീഡിപ്പിച്ചത്.
സംഭവത്തിന് ശേഷം പെണ്കുട്ടി മാതാപിതാക്കള്ക്കടുത്തെത്തി കരയുകയും സ്വകാര്യഭാഗങ്ങളില് വേദനയെടുക്കുന്നതായി പറയുകകയും ചെയ്തു. രക്ഷിതാക്കള് ഉടന് തന്നെ പെണ്കുട്ടിയെ ആശുപത്രിയിലെത്തിച്ചു. തുടര്ന്ന് പെണ്കുട്ടി ലൈംഗികമായി പീഡിപ്പിക്കപ്പെട്ടുവെന്ന് ഡോക്ടര്മാര് സ്ഥിരീകരിച്ചു. കുട്ടിയുടെ നില ഗുരുതരമാണെന്ന് പോലീസ് വൃത്തങ്ങള് പറഞ്ഞു. സംഭവത്തില് പെണ്കുട്ടിയുടെ കുടുംബം ഗജോള് പോലീസ് സ്റ്റേഷനില് പരാതി നല്കുകയും അതിന്റെ അടിസ്ഥാനത്തില് അന്വേഷണം ആരംഭിക്കുകയും ചെയ്തു.
