പത്തനംതിട്ട: പൊട്ടിവീണ വൈദ്യുതി കമ്പിയില് നിന്ന് ഷോക്കേറ്റ് വൃദ്ധ മരിച്ചു. ഏനാത്ത് റഹ്മാന് മന്സിലില് ഫാത്തിമുത്ത്(74) ആണ് മരിച്ചത്. ഇന്ന് പുലര്ച്ചെ 5.30ന് ആണ് അപകടം നടന്നത്. പ്രഭാത സവാരിക്കിടെയായിരുന്നു അപകടം. ഇന്നലെ രാത്രി പെയ്ത കനത്ത മഴയില് വൈദ്യുതിക്കമ്പി പൊട്ടിവീണതാണ് അപകടത്തിന് ഇടയാക്കിയത്. വൈദ്യുതാഘാതമേറ്റ ഫാത്തിമുത്തിനെ രക്ഷിക്കാന് കൂടെ ഉണ്ടായിരുന്ന മകന് ഉള്പ്പടെ ശ്രമിച്ചിരുന്നെങ്കിലും ലൈനില് വൈദ്യുതി ഉണ്ടായിരുന്നതിനാല് രക്ഷാപ്രവര്ത്തനം തടസപ്പെട്ടു. അപകട സമയത്ത് മകനും കൊച്ചുമകനും കൂടെ ഉണ്ടായിരുന്നെങ്കിലും ഇരുവരും അത്ഭുതകരമായി രക്ഷപ്പെടുകയായിരുന്നു.
