അഗര്ത്തല : തദ്ദേശ തെരഞ്ഞെടുപ്പിലെ കനത്ത തോല്വിക്ക് പിന്നാലെ പോലീസുകാര്ക്ക് നേരെ ആക്രമണം അഴിച്ചുവിട്ട് തൃണമൂല് കോണ്ഗ്രസ് പ്രവര്ത്തകര്. സംഭവത്തില് മൂന്ന് പോലീസുകാര്ക്ക് പരിക്കേറ്റു. തെരഞ്ഞെടുപ്പ് ഡ്യൂട്ടിക്ക് ശേഷം മടങ്ങുകയായിരുന്ന പോലീസ് സംഘത്തിന് നേരെയാണ് ആക്രമണം ഉണ്ടായത്. ഇവര് സഞ്ചരിച്ചിരുന്ന ബസ് തടഞ്ഞു നിര്ത്തിയ തൃണമൂല് പ്രവര്ത്തകര് കയ്യില് കരുതിയിരുന്ന ആയുധങ്ങള് കൊണ്ട് ആക്രമിക്കുകയായിരുന്നു. തുടര്ന്ന് പോലീസുകാര് അക്രമികളെ അടിച്ചോടിച്ചു. പോലീസുകാരുടെ പ്രത്യാക്രമണത്തില് ഒന്പത് തൃണമൂല് പ്രവര്ത്തകര്ക്കും പരിക്കേറ്റിട്ടുണ്ട്.
