തിരുവനന്തപുരം : ഗാര്ഹിക വൈദ്യുതി നിരക്കില് 18 ശതമാനം വര്ദ്ധനയാവശ്യപ്പെട്ടുള്ള താരിഫ് പ്ലാന് വൈദ്യുതി ബോര്ഡ് റഗുലേറ്ററി കമ്മീഷന് സമര്പ്പിച്ചു. യൂണിറ്റിന് ശരാശരി 92 പൈസയുടെ വര്ദ്ധന വേണമെന്നാണ് കെഎസ്ഇബിയുടെ ആവശ്യം. പൊതുജനാഭിപ്രായം കൂടി തേടിയ ശേഷം റഗുലേറ്ററി കമ്മീഷന് പുതുക്കിയ വൈദ്യുതി നിരക്ക് പ്രഖ്യാപിക്കും. 2022-23 സാമ്പത്തിക വര്ഷത്തിലെ നിരക്ക് വര്ദ്ധനക്കുള്ള താരിഫ് പ്ലാനാണ് കെഎസ്ഇബി റഗുലേറ്ററി കമ്മീഷന് സമര്പ്പിച്ചിരിക്കുന്നത്. ഈ സാമ്പത്തിക വര്ഷം 2852 കോടിയുടെ റവന്യൂ കമ്മി ഉണ്ടാകുമെന്നാണ് വിലയിരുത്തല്. യൂണിറ്റിന് 92 പൈസ നിരക്ക് വര്ദ്ധനയിലൂടെ 2284 കോടി വരുമാനം കണ്ടെത്താനാകുമെന്നാണ് പ്രതീക്ഷിക്കുന്നത്.
