കോട്ടയം : ഗജവീരന്മാരിലെ ശാന്തനായിരുന്ന ചിറയ്ക്കാട്ട് ആദിശങ്കരന് ചെരിഞ്ഞു. പള്ളിക്കത്തോട് ആന പ്രേമികളുടെ മനസ്സിലെ സൗമ്യസാന്നിധ്യമായിരുന്ന ഇളംപള്ളി ചിറയ്ക്കാട്ട് ആദിശങ്കരന്. ഇന്നലെ വൈകിട്ടായിരുന്നു അന്ത്യം. മറ്റു രോഗമൊന്നും ഇല്ലാതെ ചിറയ്ക്കാട്ട് പുരയിടത്തില് കഴിഞ്ഞിരുന്ന ആദിശങ്കരന് ഇന്നലെ ഉച്ചയോടെ വിറയല് അനുഭവപ്പെട്ടു കുഴഞ്ഞ് ഇരുന്നിരുന്നു. തുടര്ന്നു മൃഗഡോക്ടര് എത്തി മരുന്നും പരിചരണവും നല്കി. ചിറയ്ക്കാട്ട് മോഹന്ലാലിന്റെ ഉടസ്ഥതയിലുള്ള ആനയാണ് ആദിശങ്കരന്.
45 വയസ്സുള്ള ആദിശങ്കരന് 15 വര്ഷം മുന്പാണ് ഇളംപള്ളി ചിറയ്ക്കാട്ട് ആന തറവാട്ടില് എത്തുന്നത്. നാട്ടിലെ എല്ലാ അമ്പലങ്ങളിലും എഴുന്നള്ളത്തിനു പതിവ് സാന്നിധ്യമായിരുന്നു. ജില്ലയിലും സമീപ ജില്ലകളിലും പ്രമുഖ അമ്പലത്തിലെ എഴുന്നള്ളത്തിനും പങ്കെടുത്തിട്ടുണ്ട്. ചെരിഞ്ഞ വിവരം അറിഞ്ഞ് ഒട്ടേറെ പേര് ചിറയ്ക്കാട്ട് പുരയിടത്തില് എത്തിയിരുന്നു. സംസ്കാരം ഇന്നു നടത്തും.
