സാന്ഫ്രാന്സിസ്കോ: ട്വിറ്ററിന്റെ നീലക്കിളി (ബ്ലൂ ബേഡ്) ലോഗോ പുനസ്ഥാപിച്ചു. കുറച്ചു ദിവസം മുന്പ് നീലക്കിളിക്ക് പകരം നായയുടെ ചിത്രം ലോഗോയുടെ സ്ഥാനത്ത് ഇടം പിടിച്ചിരുന്നു. ഡോഗ് കോയിന് എന്ന പേരിലുള്ള ക്രിപ്റ്റോ കറന്സിയുടെ ഡോഗി മീമിന് സമാനമായിരുന്നു ഇത്. മൂന്നു ദിവസത്തിനു ശേഷമാണ് നായയെ മാറ്റി നീലക്കിളിയെ ലോഗോയുടെ സ്ഥാനത്ത് തിരിച്ചുകൊണ്ടുവന്നത്.
ട്വിറ്ററിന്റെ വെബ് പതിപ്പില് മാത്രമാണ് ലോഗോ മാറ്റിയത്. ഇന്ന് വീണ്ടും നീലക്കിളിയെ മസ്ക് തിരിച്ചുകൊണ്ടുവരികയായിരുന്നു. സമ്മിശ്ര പ്രതികരണമാണ് ഉപയോക്താക്കളുടെ ഭാഗത്തുനിന്ന് ഉണ്ടാകുന്നത്. ട്വിറ്ററിന്റെ മൊബൈല് ആപ്പുകളിലെ ലോഗോയില് മാറ്റം വരുത്തിയിരുന്നില്ല. കാരണം വ്യക്തമാക്കാതെയാണ് ട്വിറ്റര് സി.ഇ.ഒ ഇലോണ് മസ്ക് നീലക്കിളിയുടെ സ്ഥാനത്ത് നായയെ കൊണ്ടുവന്നത്.
