പത്തനംതിട്ട : സർക്കാർ ജീവനക്കാരെ വൈറ്റ് കോളർ ബെഗേഴ്സ് എന്ന് വിളിച്ച് അധിഷേപ്പിച്ചതിനെതിരെ എൻ ജി ഒ അസ്സോസിയേഷൻ ജില്ലാ കമ്മിറ്റിയുടെ നേതൃത്വത്തിൽ പത്തനംതിട്ട മിനി സിവിൽ സ്റ്റേഷന് മുമ്പിൽ പ്രതിഷേധ പ്രകടനം നടത്തി. സർക്കാർ ജീവനക്കാരുടെ ലീവ് സറണ്ടർ, ഡി എ കുടിശ്ശിക, മെഡിസിപ് തുടങ്ങിയ നിരവധി ആനുകൂല്യങ്ങൾ തടഞ്ഞ് വച്ചു കൊണ്ട് ജീവനക്കാരെ സർക്കാർ ദാരിദ്രത്തിലേക്ക് തള്ളിവിടുന്നതിനെതിരെയും, നിരന്തരമായ അധിഷേപങ്ങൾക്കെതിരെയും ശക്തമായ സമരപരിപാടികൾ ആരംഭിക്കുമെന്ന് പ്രതിഷേധ പ്രകടനം ഉദ്ഘാടനം ചെയ്തു കൊണ്ട് എൻ ജി ഒ അസ്സോസിയേഷൻ ജില്ലാ പ്രസിഡന്റ് സുരേഷ് കുഴുവേലിൽ അറിയിച്ചു.
കൂടാതെ ആയുർവേദ വകുപ്പ് ജീവനക്കാർക്കെതിരെ എം എൽ എ നടത്തിയ അധിക്ഷേപം പിൻവലിച്ച് മാപ്പു പറയണമെന്നും അദ്ദേഹം ആവശ്യപ്പെട്ടു. ജില്ലാ സെക്രട്ടറി അജിൻ ഐപ് ജോർജ് അദ്ധ്യക്ഷത വഹിച്ചു. സംസ്ഥാന സെക്രട്ടറിയേറ്റ് അംഗം പി.എസ് വിനോദ് കുമാർ, ഷിനോയി ജോർജ്, ജില്ലാ ട്രഷറർ ഷിബു മണ്ണടി, ഭാരവാഹികളായ ബിജു ശാമുവേൽ, ഷൈനു ശാമുവേൽ, തട്ടയിൽ ഹരികുമാർ, പി.എസ് മനോജ് കുമാർ, ജി ജയകുമാർ, അബു കോശി, വിഷ്ണു സലിംകുമാർ, ദിലീപ് ഖാൻ, വിനോദ് മിത്രപുരം, പിക്കു വി സൈമൺ, ഷാജൻ.കെ, അനിൽ കുമാർ.ജി, അനു കെ അനിൽ കുമാർ, സജീവ് റാവുത്തർ,അനിൽ കുമാർ.ബി എന്നിവർ പ്രസംഗിച്ചു.
