പാലക്കാട്: പട്ടാമ്പി, കൂറ്റനാട് പരിസര പ്രദേശങ്ങളിലെ കിണറുകളിലെ വാതക സാന്നിധ്യം കണ്ടെത്താന് ജില്ലാ മലിനീകരണ നിയന്ത്രണ ബോര്ഡ്, ഭൂജല വകുപ്പ് ഉദ്യോഗസ്ഥരുടെ നേതൃത്വത്തില് പരിശോധന. എട്ട് കിണറുകളിലും ഇന്ധനത്തിന്റെ ചുവയും ഗന്ധവുമാണ്. കിണര് വെള്ളത്തിലക്ക് കടലാസ് കത്തിച്ചിട്ടാല് തീ പടരുന്ന സ്ഥിതിയാണ് ഉള്ളത്. വെള്ളത്തില് ഡീസലിന്റെ ഗന്ധവുമുണ്ട്.
രണ്ട് മൂന്ന് മാസങ്ങള്ക്ക് മുന്പ് പരിസരവാസികള്ക്ക് കിണറില് നിന്ന് വലിയ തോതില് ഇന്ധനത്തിന്റെ ഗന്ധം വരുന്നുണ്ടെന്ന് പറഞ്ഞിരുന്നു.ജലം ഉപയോഗിക്കുമ്പോള് പ്രദേശവാസികള്ക്ക് ചൊറിച്ചിലും മറ്റും അനുഭവപ്പെടുന്നുണ്ട്. പരിസരത്ത് പെട്രോള് പമ്പുകളുണ്ട്. അവിടെ നിന്നാകാം ഇന്ധനം ലീക്കാകുന്നതെന്നാണ് സംഭവിക്കുന്നത്.
